header-sognfjordanex1020

 

 

Tur til GolOgså i år hadde vi ein svært hyggeleg tur til Gol 29. - 31. mai.

Askvoll seniordans stod som arrangør av turen, og dansarar frå fleire nabolag vart med.

40 danseglade sunnfjordingar møtte like mange danseglade på Gol.

Der var også med nokre dansarar frå Geilo og Ål.

"Dette har blitt ein tradisjon", sa leiaren i Gol seniordans, Thor Alf Tollefsrud, då han ynskte oss velkomne.

Og velkomne følte vi oss frå fyrste stund.

Tirsdagen var det dans heile dagen, berre tid til matpause. Instruksjonen gjekk på omgang mellom laga. 

Om kvelden var det nokre frå Gol som viste oss Hallingspringar,

og etter middagen var det dans til hotellets orkester.

Onsdagen var det på nytt seniordans til lunsj og heimreise, med ein særdeles lattermild sjåfør.

Ein veldig hyggeleg tur frå først til sist.

Annemor

 

 

Gloppen seniordans

 

Gloppen Seniordans inviterte også i år breimingane til sommaravslutning i teltet i hotellhagen.

Sol og varme, god mat og mykje dans gjorde det til ein strålande sommardans.

 

 29.april seniordans 50Foto: Knut Osvoll

 

Over 50 danseleiarar var deltakarar på danseleiartreffet 29. april 2017.

Regionsstyret var for første gang ansvarleg for treffet.

Evalueringa var positiv. Mykje skryt av Borgja som stad for treffet, god dansesal midt i fylket.

Ikkje minst fekk Gunn mykje ros for måten ho instruerte på. God mat, og  kjekt å treffast var det også. 

 

Den 18. og 19. mars møttes nesten 50 danseledere til kurs på Borgja i Ålhus.

Gunn var en utmerket læremester i Internasjonale danser (ISDC 2016).

Vi lærte mange flotte nye danser, og nå er danseledere i full gang med å dele den nye kunnskapen med danseringer rundt om i fylket.

                             

jeg p Astruptunet

                         

    Hjelp! 

Jeg er valgt som webredaktør for heimesida til

Sogn og Fjordane seniordans.

Dersom dere har bilder/stoff dere vil ha inn på heimesida, så send det til meg.

e-postadresse: Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

Jeg legger ut referat fra styremøter, litt om kurs og danseledermøter, og ellers det jeg får tilsendt fra seniordanselag i regionen vår. 

 

Lise Tennebø - webredaktør for Heimesida til SN region Sogn og Fjordane.

 

Lærdal Seniordans iinviterte til 10-årsjubileum 1. desember.

Storstova på Lærdalsøyri skule var fint pynta, og maten var utsøkt god. Dansarar frå Lærdal og Årdal, regionleiaren med fylgje og Berit, som starta dansegruppa, var gjester. Berit kom heilt frå Oslo for å treffe dansevenene i Lærdal. Jakob leia oss gjennom eit triveleg program med sjølvskriven song av Anna, trekkspelmusikk med Audun og historikk ved Kari. Danse fekk vi også. I dag har det vore ein god reportasje i Porten, nettavisa i Årdal.

Takk til styret for ei fin markering.

Her ser de styret og instruktørane i jubileumsåret.

Dansetreff med juledansar

Over 40 dansarar møtte opp i Borgja for å lære dansar frå den danske CD-en Juledanse.

Vi hadde ein triveleg dag med kjende dansar til festlege julemelodiar.

Nå kan vi bruke dei på juleavslutningane våre rundt i regionen.

 

Gloppen Seniordans med stand på Sandane-dagane

 

Sandanedagane 2016

Ein litt kald og alvorleg start !

 

Sandanedagane 2016 1

 Men så kom publikum og smilet fram!

 

Torsdag 11 august vart det på nytt arrangert Dansens dag i Askvoll samfunnshus. Det er vorten ein tradisjon at ein dag i Dalsfjordveka er sett av til dans, og seniordans- laga i kommunane Gaular, Fjaler, og Askvoll går saman om å arrangere dette. I tillegg var det også med dansarar frå Kyrkjebø, Hyllestad, Solund, Florø og Førde. Mellom 80- 100 dansarar. Litt publikum hadde og funne vegen til Samfunnshuset.

Etter 1,5 time med seniordans var det tid med pause med høve til å kjøpe seg mat, betasuppe, kaker og kaffi. Maten var det Askvoll samfunnshus som ordna med.

Ole, Svein og Harry frå Fjaler seniordanslag hadde trekkspel med seg, dei tok plass på scena og spelte gamaldansmusikk. God dansemusikk som dansarane svinga seg til. Takk til Dykk, det var populært. Dagfinn deklamerte Jakob Sande, nokre skrøner fortalde han også. Takk også til Dagfinn.

Så vart dagen avslutta med Seniordans enno ein og ein halv time. Instruksjonen gjekk på omgang mellom arrangørlaga. Det fungerte heilt fint. Til slutt tok vi alle kvarandre i hendene og laga ring og song slik vi gjer kvar gong vi har øving. Ein hyggeleg dag i godt selskap.

Annemor

Dansens dag 2016

bilde 2016 nytt

Gode nabogrupper på felles dansetur til Pers Hotel

 

8. Juni sette 36 seniordansarar seg på bussen med kurs over fjellet og til Pers Hotell på Gol. Det var Askvoll Seniordans som stod bak, og arrangerte turen. Vi fekk med oss dansarar frå Førdefjorden, Førde, Hyllestad, Atløy og Jølster. Ein Glad gjeng. Heile torsdagen dansa vi saman med Gol seniordans. Etter middag torsdag kveld kom nokre frå Gol og synte oss hallingspringar. Dei var kledde i bunad så det vart fest over det. Fekk også Fanitullen og Åse fantemor deklamerte av Rasmus Støyva og Johannes Ness. Eit fint innslag. Fredag hadde vi også ei ykt med seniordans, før vi sette kursen heimover. Vergudane var på vår side heile tida, strålande sol frå klar himmel frå først til sist. Ein dyktig sjåfør, glade passasjerar og flinke dansarar. Så i år som i fjor ein strålande tur.

Annemor

 

Sommaravslutning på Gloppen Hotel

Gloppen og Breim Seniordans dansa seg saman i teltet på Gloppen Hotel

Piskande regn på teltduken dempa ikkje det gode humøret. Etter oppvarming med sittedans, var det fram på golvet. Det var akkurat plass nok til dei 55 dansarane.

Inne i matsalen var det god servering.  "Liten fuggel" måtte både syngast og dansast. Leiar Kjersti fekk blomst og  varm takk for engasjert og dyktig leiing. Ho har m.a. lagt all musikken inn på i-pad, så nå er det greitt å lage spelelister, og lite å bere med seg til dansen. Regionleiaren fekk også blomst og gode ynskje med i vervet som styremedlem i Seniordans Norge.

IMG 2815

Liv hadde oppvarming med sittedans

IMG 2819

Kortreist mat, allsong, lyrikk og takk

 

 

 

 

Stor dansedag i Måløy

Foto: Knut Osvoll                                                                                                                                                                                                                                                     

Laurdag 2. april inviterte Vågsøy Seniordans til danseleiartreff i Turnhallen i Måløy.

Over 70 danseinstruktørar kom. Denne gongen stod ringdansar på programmet

Kjersti Imerslund og Gunn Øygard gav oss innføring i nedlasting og brenning av musikk 

Vågsøy Seniordans sytte for framifrå bevertning, og stemninga rundt borda var høg, som de ser!

Regionsstyret i Seniordans Sogn og Fjordane takkar for eit flott arrangement!

                              

 

 

Velkommen til

Danseleiartreff i Måløy

Tid: Laurdag 2. april

Stad; Turnhallen, Gate 1

Program

11.00-11.30    Velkomst og kaffi

11.30-13.30    Dans

13.30-14.30    Varmrett

14.30-15.30    Orientering om nedlasting av musikk (Dans for dei som ikkje vil vere med på orienteringa.)

15.30- 16.30   Dans

Dansar

Gunn Øygard vil lære oss desse dansane frå Ringdanser 2015:

Bossa Nova variant

Foxtrot i ring

Halleluja

Klarinettdrømmer

Koce Berberot

Ringdans frå Søgne

Samba i ring

Nedlasting og brenning av musikk

Det blir nå arbeidd med å lage ein cd/dvd til Ringdanser 2015, men førebels må ein laste ned musikken.

Vi vil difor ha ei innføring i nedlasting og brenning  av musikk. Ta gjerne med Seniordansens ABC. I kapittel 9 er det ei god rettleiing.

Gunn vil ta med nokre eksemplar av begge bøkene for sal, men dei kan også kjøpast på nettet.

Vi får bruke eit rom med internett-tilkobling, så ta gjerne med pc eller iPad!

 

Danseynskje

Dersom de har ynskje om dansar de gjerne vil lære/repetere, så kontakt Gunn. Det same gjeld om de har ein kjekk dans de vil lære oss. Det ville vi sett pris på!

Gunn si e-postadresse er:.Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

Pris på treffet er kr 335,- pr person.

Ver vennleg å betale inn  til regionen sin konto: 3705.06.98301

Påmeldingsfrist er 18. mars .

Send påmeldinga til:

Denne e-postadressen er beskyttet mot programmer som samler e-postadresser. Du må aktivere javaskript for å kunne se den. eller mob.480 48 708

Vel møtt!

 

Sandane 8. mars 2016

Olaug Bakke Gjengedal

-regionleiar-

 

                                    Sitjedanskurs i Svelgen  med 18 kursdeltakarar.

Roundskurset som skulle vere 20.februar fekk ikkje nok påmelde. Utdanningsleiaren vår var difor ledig for andre oppgåver denne dagen. Kursansvarleg spurde på årsmøtet på Skei om det var nokon av laga  som på så kort varsel kunne greie å stelle i stand til eit Sitjedanskurs.

Svelgen Seniordans  v/ leiar Anne Lise Gilleshammer tok på seg den oppgåva. Og den oppgåva greidde dei kjempeflott. Det vart kurs med 18 deltakarar - med adresse Svelgen-Kalvåg eller  Bremanger ( altså berre frå ei kommune kom det så mange)  Kursdeltakarar var frå Svelgen Seniordans – Bremanger Seniordans – Røde Kors – Sanitetslaget – Pensjonistlaget og Pleie og omsorgstenesta ( institusjonane)

Kurset vart halde i Keipenstova som er Svelgen Pensjonistlag sitt eldresenter.

Det vart ei veldig  triveleg kurs  ( med Sitjedans – «ideprat» - og enkel matservering )

Det såg ut til at dei som gjekk på kurset også var godt nøgde

Dette kurset -«Sittedans 2015» - har tidlegare vore på Nordfjordeid og på Kyrkjebø.

Vi håpar no at andre lag  ( eitt eller fleire lag ilag ) ønskjer seg eit slikt kurs.

Ønskjer du å vite meir om kva Sitjedans  er kan du gå inn på internett:

www.seniordans.no/forside/hva-er-sittedans -

Der kan du også sjå ein video

Ønskjer du å vite meir om dette kurset så kan du ta kontakt med

Erna Osvoll – 91792279 / 57726693    epost: Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

 

 

 

 

 

 

 

    Frå årsmøtet i SN Region Sogn og Fjordane

                                                 

IMG 6072

                                                Foto: Knut Osvoll

                             Styret tok attval:

                                 Frå venstre:Helene Leknes (styremedem), Ola Hatlestad (kaserar),

                                 Olaug Bakke Gjengedal (leiar), Audun Takle (skrivar) og Erna Osvoll

                                 (kursansvarleg).

IMG 6070

                                                                         -  og dei er visst godt nøgde med det, sjølve !

IMG 6068

Foto:Knut Osvoll

  I alt 56 dansarar var møtte fram på årsmøtet 8. februar. Dei kom frå inst i Sognefjorden og  ytst i Nordfjord og Sunnfjord, trassa lange avstandar og  vinterføre, og engasjerte seg i debatten.De kan lese meir om møtet i referatet som ligg her på nettet.

 

                                        

 

 

 

Besøk til denne nettsiden (se på statistikk)